Ghazal-Jab-Jab Bhi Akaal Prha Hai

Jab-jab bhi akaal padaa hai|
sabke peeche janjaal padaa hai|

pashu bhookha nidhhaal padaa hai,
gaavn men sookha taal padaa hai|

panchhi bhi nazar nahi'n aate,
jaise zami'n pe jaal padaa hai|

khet-khalihan soonsaan pade hai,
bheed bhara choupaal padaa hai|

chee-kouvo,n ke thaal padaa hai,
har jangal kankaal pada hai|

do-chaar roz ki fike nahi'n hai,
aage poora saal padaa hai|

pecheeda paheli kaise hal hogi,
har jaan pe aan sawaal padaa hai|

darne ki koi baat nahi,n hai,
pahle bhi kai saal padaa hai|

Maharana ki janm-bhoomi pe kabhi bhi"CHANDAN"
bhaamaashaaho'n ka nahi'n kaal padaa hai||

(Meri pustsk-katron ka samandra se)